Tv Telma: Nuk ka akuzë për policët të dyshuar për “zjarrin” në Koçan!

 

Televizioni Telma mëson se për gjashtë zyrtarë policorë dhe shefa është ndërprerë hetimi për zjarrin në “Puls” në Koçan, për të cilin ata ishin të dyshuar për veprën penale “shkaktim i rrezikut të përgjithshëm” me pasoja vdekjeprurëse.

 

Prokuroria ka vlerësuar se këta zyrtarë policorë mund të ndiqen penalisht për një vepër tjetër, konkretisht për keqpërdorim të pozitës zyrtare, pasi kompetencat e tyre nuk kanë përfshirë kontrollin e masave kundër zjarrit, por verifikimin e sigurisë në komunikacion rreth objektit dhe ekzistencën e një numri të mjaftueshëm vendparkimesh për kabarenë “Puls”.

 

Gjatë hetimit është konstatuar se zyrtarët policorë të liruar kanë përgatitur pëlqim për funksionimin e objektit, por sipas Ligjit për veprimtari hotelierike, “rezulton se në rastin konkret ata kanë pasur detyrim të kryenin kontrolle vetëm në aspektin e përmbushjes së kushteve për mbrojtjen e rendit dhe qetësisë publike, si dhe sigurisë në komunikacion”, thuhet në vendimin e prokurorit që ka drejtuar hetimin.

 

Një pjesë e të dyshuarve kanë qenë në paraburgim për një muaj, pas së cilës u janë caktuar masa më të lehta sigurie, të cilat tashmë janë hequr, kanë konfirmuar për Telma burime nga hetimi. Nga Gjykata Penale në Shkup kanë konfirmuar se sot janë hequr masat edhe për dy policë të dyshuar.

 

Me hetimin për “Puls” janë përfshirë edhe rreth 20 zyrtarë të tjerë policorë, të gjithë të dyshuar për veprën penale të shkaktimit të rrezikut të përgjithshëm. Për të njëjtën vepër penale tashmë ka nisur procesi i parë gjyqësor, me 35 të pandehur dhe 3 persona juridikë të akuzuar. Ndër të pandehurit, përveç pronarëve të “Puls”, janë edhe tre kryetarë të komunës së Koçanit, dy ish-ministra, disa ish-drejtorë dhe drejtues të organeve inspektuese, si dhe pjesëtarë të sigurimit të kabarenës.

 

Në zjarrin në “Puls”, më 16 mars të vitit të kaluar, humbën jetën 62 persona, kryesisht të rinj, ndërsa mbi 210 persona u plagosën rëndë.

Më të lexuara

Ndahet nga jeta i riu nga Saraji, Huseijn Alija

Me pikëllim të thellë është pritur lajmi për ndarjen...

Pagoi mbi 338 mijë denarë për shtëpinë e re – mjeshtri nga Matka e Epërme u zhduk me paratë

Një 46-vjeçar nga rajoni i Shkupit ka denoncuar në...

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Gjimnazisti nga Saraji promovoi librin e parë

Sot në shkollën e mesme në Saraj, një nxënës...

Nesër pa rrymë një pjesë e Sarajit

Në Komunën Saraj, prej orës 08:30 deri në orën...

8 të arrestuar, sekuestrohen rreth 50 mijë euro! Aksion policor për dyshime për krim në operacionet e syve

Aksioni i policisë përfundoi me prangosjen e 8 personave,...

DAP nxjerr në ankand banesa, lokale dhe automjete

Drejtoria e të Ardhurave Publike (DAP) organizon sot ankand...

Artikuj të ngjashëm