Hoxha–Sohlström: Suedia-partnere kyçe në reformat mjedisore

Ministri i Mjedisit Jetësor dhe Planifikimit Hapësinor, Muamet Hoxha, realizoi një takim me Ambasadorin e Mbretërisë së Suedisë në Republikën e Maqedonisë së Veriut, z. Ola Sohlström, në të cilin u diskutua për avancimin e bashkëpunimit bilateral në fushën e mjedisit jetësor dhe mbështetjen për procesin e integrimit evropian të vendit.
Ministri Hoxha shprehu mirënjohje për mbështetjen e vazhdueshme që Suedia ofron përmes projekteve të shumta në fushën e mjedisit jetësor, të cilat kontribuojnë drejtpërdrejt në harmonizimin me standardet evropiane dhe në përmirësimin e cilësisë së jetës së qytetarëve. Me këtë rast, u theksua se Suedia është donatori i tretë më i madh i Ministrisë, pas Bashkimit Evropian dhe Zvicrës.
Gjatë takimit u prezantuan projektet e përbashkëta aktuale dhe të planifikuara, me theks të veçantë në menaxhimin e mbeturinave, forcimin e kapaciteteve institucionale për Kapitullin 27 dhe aktivitetet për përmirësimin e cilësisë së ajrit.
Vëmendje e posaçme iu kushtua iniciativave rajonale dhe kombëtare për përballjen me ndotjen e ajrit, përfshirë projektin “Përballja me ndotjen e ajrit”, i cili zbatohet me mbështetjen e Agjencisë Suedeze për Bashkëpunim Ndërkombëtar për Zhvillim (Sida) dhe UNDP-së.
Ministri Hoxha riafirmoi përkushtimin e Ministrisë për vazhdimin dhe thellimin e bashkëpunimit me Mbretërinë e Suedisë, në drejtim të mbrojtjes së mjedisit jetësor dhe përshpejtimit të integrimit evropian të Maqedonisë së Veriut.

Më të lexuara

Ndahet nga jeta i riu nga Saraji, Huseijn Alija

Me pikëllim të thellë është pritur lajmi për ndarjen...

Pagoi mbi 338 mijë denarë për shtëpinë e re – mjeshtri nga Matka e Epërme u zhduk me paratë

Një 46-vjeçar nga rajoni i Shkupit ka denoncuar në...

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Gjimnazisti nga Saraji promovoi librin e parë

Sot në shkollën e mesme në Saraj, një nxënës...

8 të arrestuar, sekuestrohen rreth 50 mijë euro! Aksion policor për dyshime për krim në operacionet e syve

Aksioni i policisë përfundoi me prangosjen e 8 personave,...

DAP nxjerr në ankand banesa, lokale dhe automjete

Drejtoria e të Ardhurave Publike (DAP) organizon sot ankand...

Nesër pa rrymë një pjesë e Sarajit

Në Komunën Saraj, prej orës 08:30 deri në orën...

Artikuj të ngjashëm