Mesazhet e para nga sistemi “Qytet i Sigurt” u arrijnë shoferëve- nisi para afatit të paralajmëruar

Edhe pse Ministria e Brendshme kishte paralajmëruar nisjen zyrtare për 1 dhjetor, një pjesë e shoferëve i morën SMS-të e para për shkelje të regjistruara që më 30 nëntor. Njoftimet vinin nga dërguesi MVR–SC dhe përmbanin targën e automjetit dhe një link drejt procesverbalit me detajet e shkeljes, duke përfshirë edhe të dhënat teknike nga kamerat “Tattile”.

 

Qytetarët kanë deklaruar se sistemi dukshëm është aktivizuar një ditë më herët se e planifikuara. Sipas njoftimeve të mëparshme, periudha deri në Vitin e Ri duhej të ishte fazë testuese me paralajmërime, por mesazhet treguan se kamerat tashmë po funksiononin plotësisht dhe po regjistronin shkeljet.

 

Ishte paralajmëruar se nga 1 janari sistemi do të kalojë në zbatim të plotë dhe çdo shkelje do të ndëshkohet pa tolerancë, ndërsa pronarët do të marrin procesverbal dhe urdhër pagesë. Kamerat tashmë janë vendosur në kryqëzime kyçe në Shkup dhe në autostradat e korridoreve 8 dhe 10, me qëllim zvogëlimin e shpejtësisë, kalimit në të kuqe dhe parkimit të parregullt.

 

Sipas reagimeve të sotme, teknologjia e ka nisur procesin në heshtje – kamerat kanë regjistruar, sistemi ka evidentuar, dhe shoferëve u kanë mbërritur mesazhet e para para datës “zyrtare”.

Më të lexuara

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Gjimnazisti nga Saraji promovoi librin e parë

Sot në shkollën e mesme në Saraj, një nxënës...

Abdullah Ismaili zgjidhet kryetar i PDSH-së në Saraj

Abdullah Ismaili është zgjedhur kryetar i degës së Partisë...

Ndahet nga jeta i riu nga Saraji, Huseijn Alija

Me pikëllim të thellë është pritur lajmi për ndarjen...

Moti sot

Moti sot në Maqedoninë e Veriut do të jetë...

DPHM: Maqedonia nesër do të përfshihet nga një erë e fortë deri 80 km/h

Drejtoria për Punë Hidrometeorologjike njofton se të premten, më...

8 të arrestuar, sekuestrohen rreth 50 mijë euro! Aksion policor për dyshime për krim në operacionet e syve

Aksioni i policisë përfundoi me prangosjen e 8 personave,...

Artikuj të ngjashëm