Mbi 500 mjekë e braktisën vendin brenda një viti

Sipas të dhënave të fundit nga Regjistri i Licencave të Odës së Mjekëve, Maqedonia ka 509 mjekë më pak këtë vit sesa vitin e kaluar, zbuloi ministri i Shëndetësisë Azir Aliu në një intervistë për Radion Evropa e Lirë.

 

Aliu vuri në dukje se Ministria e Shëndetësisë ka hartuar një Strategji Kombëtare për personelin e nevojshëm mjekësor, por gjithashtu se po punohet për shpërndarjen e shërbimeve shëndetësore me qëllim uljen e përqendrimit të pacientëve në Qendrën Klinike “Nënë Tereza”.

 

“Për fat të keq, është bërë normale që çdo pacient të përfundojë në Qendrën Klinike “Nënë Tereza”. Deri në 70 përqind e pacientëve atje marrin shërbime shëndetësore, ndërsa ata duhet t’i marrin ato në nivelin parësor dhe sekondar”, tha ministri.

 

Ai shtoi se organizata e re pritet të zvogëlojë numrin e pacientëve në kompleksin klinik qendror dhe të shkurtojë kohën e pritjes për ekzaminime dhe ndërhyrje.

 

Lidhur me ndryshimet e mundshme të personelit, Aliu deklaroi se analiza e profileve dhe proceseve është përfunduar, dhe se pas saj kryeministri do të duhet të vendosë nëse do të pasojë një riorganizim i qeverisë.

 

“Si ministër, po kryej punën time”, shtoi ai.

 

Kujtojmë se në vitin 2024, sistemi i kujdesit shëndetësor primar në Maqedoninë e Veriut shënoi ulje të ndjeshme si në numrin e kontratave të lidhura ashtu edhe në numrin e mjekëve të përgjithshëm. Sipas të dhënave të publikuara në Fondit për Sigurim Shëndetësor, numri i përgjithshëm i kontratave të lidhura në kujdesin shëndetësor primar ishte 2.077, që përfaqëson një ulje prej 55 kontratash krahasuar me vitin 2023. Gjithashtu, numri total i mjekëve në këtë sektor në vitin 2024 ishte 2.796, që është 45 më pak se një vit më parë. Vetëm në kategorinë e mjekëve të përgjithshëm, këtë vit janë regjistruar 1.499 mjekë aktivë, 8 më pak se në vitin 2023.

Më të lexuara

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Abdullah Ismaili zgjidhet kryetar i PDSH-së në Saraj

Abdullah Ismaili është zgjedhur kryetar i degës së Partisë...

Moti sot

Moti sot në Maqedoninë e Veriut do të jetë...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

Nisin punimet për ndërrimin e pllakave të dëmtuara në Çarshinë e Vjetër të Shkupit

Në hyrje të Çarshisë së Vjetër të Shkupit kanë...

Nesër fillon regjistrimi elektronik i nxënësve në shkollat e mesme publike

Ministria e Arsimit dhe Shkencës rikujton, se nesër fillon...

Artikuj të ngjashëm