VMRO nuk e pranon humbjen në Çashkë, përgatit ankesa për në Gjykatën Administrative?

VMRO-DPMNE ende nuk po mund të pajtohet me faktin se e ka humbur Komunën e Çashkës. Edhe pse Komisioni Shtetëror Zgjedhor (KSHZ) ka hedhur poshtë pesë ankesat e para të kësaj partie, VMRO po përgatit ankesa të reja për në Gjykatën Administrative, megjithëse të njëjtat ende nuk janë dorëzuar, shkruan gazeta KOHA.

 

Burime zyrtare nga KSHZ kanë konfirmuar për gazetën KOHA se brenda strukturave të VMRO-së po shqyrtohet mundësia që ankesat të dorëzohen në minutat e fundit të afatit ligjor – sonte para orës 22:00, me qëllim që të bllokohet opozita shqiptare që të mos mund të paraqesë ankesat e veta për komunat ku VMRO fitoi në raundin e parë, siç është rasti me Komunën e Butelit.

 

Dy ditë më parë, KSHZ hodhi poshtë pesë ankesat e para të VMRO-së dhe LSDM-së lidhur me Komunën e Çashkës, të cilat ishin të drejtuara kundër fitores së Suat Shaqirit – shqiptarit të parë që pritet të udhëheqë këtë komunë.

 

Sipas vendimit të KSHZ-së, ankesat janë refuzuar për shkak se nuk përmbanin asnjë argument apo dëshmi që të vërtetonte se procesi i votimit ka qenë i kundërligjshëm.

 

Fitorja e Suat Shaqirit në Çashkë është konsideruar historike, pasi për herë të parë një kandidat shqiptar arrin të marrë besimin e shumicës në këtë komunë me përbërje të përzier etnike. (koha.mk)

Më të lexuara

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Abdullah Ismaili zgjidhet kryetar i PDSH-së në Saraj

Abdullah Ismaili është zgjedhur kryetar i degës së Partisë...

Moti sot

Moti sot në Maqedoninë e Veriut do të jetë...

Nisin punimet për ndërrimin e pllakave të dëmtuara në Çarshinë e Vjetër të Shkupit

Në hyrje të Çarshisë së Vjetër të Shkupit kanë...

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

Shkollat e mesme në Shkup pajisen me makina të reja për pastrimin e dyshemeve

Shkollat e mesme në Shkup janë pajisur me makina...

Gjermania mbyll derën për gjysmën e punëtorëve nga Ballkani: kuota bie në 25.000

Qeveria gjermane miratoi propozimin për ta ulur kuotën vjetore...

Artikuj të ngjashëm