Ministria e Punëve të Brendshme ka njoftuar se të premten, më 28 mars 2025, gjatë periudhës prej orës 05:00 deri në ora 07:00, në rrugën magjistrale VK Bllacë – Shkup do të ketë regjim të veçantë komunikacioni, transmeton TV21.
Regjimi siç bëjnë të ditur nga MPB-ja, do të jetë rreth katër kilometra nga rreth rrotullimi i dytë, në drejtim të Shkupit.
“Do të largohet automjeti i cili ka rrëshqitur kohë më parë”, bëjnë të ditur nga MPB-ja.
Nga MPB thonë se gjatë kësaj periudhe do të zbatohet regjim i veçantë komunikacioni, dhe se ky regjim nuk do të ndryshojë për veturat e udhëtarëve.
MPB apelon deri te pjesëmarrësit në komunikacion që t’i zbatojnë urdhrat që do t’i japin nëpunësit policorë./TV21