“Shifrat premtojnë rritje të mëtejshme në rrugën drejt Shqipërisë 2030, ndërsa viti turistik vijon me grupe të tëra që shijojnë destinacionet e shumta nga veriu në jug, në majat e maleve, pikat e trashëgimisë kulturore, luginat e lumenjtë përgjatë trupit të mrekullueshëm të Shqipërisë, si edhe në Tiranën e kthyer në stacionin e preferuar të turistëve.”
Ritmi i ecurisë së turizmit ka ndikuar në një përmirësim të dukshëm të të ardhurave në ekonominë e vendit.
Të ardhurat nga sektori i turizmit këtë vit pritet të regjistrojnë rekord të ri në raport me vitin e kaluar, për shkak edhe të fluksit në rritje të turistëve.
Shqipërinë e vizituan më shumë se 10 milionë të huaj në vitin 2023, duke arritur kështu një rekord historik.
Kujtojmë se në qershor, Qendra e të Dhënave për Konkurrueshmërinë në Ballkanin Perëndimor (Western Balkans Competitiveness Data Hub) ka certifikuar progresin e Shqipërisë në Konferencën e Nivelit të Lartë për Evropën Juglindore në Paris, veçanërisht në sektorin e punës, ekonomisë së qëndrueshme dhe turizmit.
Raporti i OECD për Konkurrueshmërinë 2024 vlerëson politikat e vendeve të Ballkanit Perëndimor në 15 dimensione kryesore, analizuar mbi 440 indikatorë ekonomikë dhe sektorialë për të rritur konkurrueshmërinë.
Sipas OECD-së, Shqipëria ka shënuar progres të madh në politikat e punësimit, turizmit, tregtisë, mjedisit, bujqësisë, energjisë, financave, luftën kundër korrupsionit, arsimin, shoqërinë digjitale, investimet, dhe më shumë. Është lider rajonal në 13 nga 15 dimensionet e raportit.
Qeveria shqiptare angazhohet të zbatojë rekomandimet për një ekonomi të qëndrueshme dhe konkurruese, drejt tranzicionit të gjelbër dhe digjital, duke përfshirë integrimin dinjitoz në BE.AlbanianPost
