Nga Shoqata e Vetranëve të Luftës së Ushtrisë Çlirimtare Kombëtare thonë se Maqedonia e Veriut është shndërrruar në vend të pasigurt për ish-ushtarët e UÇK-së, përcjell TV21. Përmes një kumtese kërkojnë që të lirohet banori 55-vjeçar i Ferizajit, Emin Bajrami, i cili është arrestuar në pikën kufitare “Bllacë”, për shkak të fletarrestit ndërkombëtar të lëshuar nga Beogradi.
“Jemi tepër të irrituar dhe të zhgënjyer nga sjellja e institucioneve lidhur me pjesëtarët e UÇK-së. Andaj, kërkojmë urgjentisht lirimin e Emin Bajramit”, thuhet mes tjerash në reagim, ku kërkohet të ketë intervenim juridik dhe politik për çështjen në fjalë.
