TIMAK Albania, një histori suksesi, e pazakontë për ambientin shqiptar jo vetëm për faktin që po flasim për një industri të panjohur, atë të modifikimit të makinave, por edhe për shkak të njeriut, që është truri dhe në krye të gjithë piramidës së drejtimit.
Arjeta Puca, e specializuar në shkencat kompjuterike dhe me një eksperiencë në gjigantin gjerman Bosch, prej 7 vitesh ka nisur një rrugëtim që në vitin 2016 dukej i vështirë, por sot ajo po shijon frytet e një pune që e ka nderuar me një medalje të rëndësishme.
“Ambulancat e Ukrainës janë blerë nga Austria dhe i janë dhuruar vendit. Makina të tjera u janë dërguar edhe vendeve të tjera,” thotë znjsh. Puca. “Ëndrra më e madhe imja është të kemi makinat ushtarake tonat. Për Shqipërinë dhe Kosovën,” shton ajo.
Shumë shpejt edhe Shqipëria do të prodhojë makinën me markën “Made in Albania”.
Arjeta e ka gati projektin, ndërsa detajet e vogla e ndajnë nga realizimi i ëndrrës së madhe.
“Jemi duke e folur me kryeministrin që të hapet një kompani e përbashkët me shtetin dhe për këtë jemi në bisedime,” thotë znjsh. Puca. “Shpresojmë që sivjet të kemi edhe një prototip,” shton ajo.
Gazetar: Olsi Karagjozi
/ rtsh.al /
