Pas pushimit dimëror trejavor, nxënësit e shkollave fillore dhe të mesme nesër do të kthehen në mësim për gjysmëvjetorin e dytë të vitit shkollor 2024/2025.
Mësimi do të përfundojë më 10 qershor për të gjithë nxënësit, përveç për maturantët, të cilët, sipas kalendarit për organizimin e vitit shkollor në shkollat e mesme publike, do të ndjekin mësimet deri më 16 maj 2025.
Viti shkollor nuk do të zgjatet si vitin e kaluar, pasi nuk do të ketë pushim pranveror, i cili ishte futur vitin e kaluar.
Për këtë vendim, Ministria e Arsimit dhe Shkencës këtë vit shkollor kreu një anketë me mësues, prindër dhe nxënës të klasave më të larta dhe, siç informoi, shumica janë shprehur se nuk dëshirojnë pushim pranveror.