Me 65 vota “për” dhe 17” kundër”, Kuvendi pasdite miratoi Ligjin për mbrojtje të fëmijëve, pasi paraprakisht Presidentja Siljanovska nuk e dekretoi Ligjin. Me Badenter, “për” votuan 12 deputetë kurse “kundër” ishin 6.
Me zgjidhjen e re ligjore dhe amendamentet e miratuara të VMRO-DPMNE-së, të gjitha licensat do të jepen në gjuhën maqedone, por me mundësi që nëse e kërkon kandidati, licensa të jepet edhe në gjuhën e tij amtare. Testimi gjithashtu do të zhvillohet në maqedonisht, me mundësi që provimi të jepet edhe në gjuhën shqipe ose gjuhë tjetër nëse kërkohet nga kandidati.
Ndaj ndryshimeve të këtilla ligjore reaguan deputetët e Frontit Evropian, duke drejtuar akuza se me këtë mënyrë degradohen të drejtat e Shqiptarëve.
Pas shumicës absolute dhe shumicës së “Badenterit” nga deputetët, tani Presidentja Siljanovska është e obliguar ta dekretojë ligjin dhe I njëjti të publikohet në “Gazetën Zyrtare”. /tvklan.mk
