Ish-kryeministri i Malit të Zi dhe lideri i Lëvizjes URA (MOST), Dritan Abazoviq, tha për A2 CNN shqiptar, pas protestës së organizuar nga komuna e Ulqinit, e cila kundërshton vendimin e qeverisë malazeze për t’i dhënë një pjesë të bregdetit investitorëve arabë, tha se “ata që janë pro këtij projekti duan të zhdukin Ulqinin dhe Shqiptarët”.
– Advertisements –
Ai shton se bëhet fjalë për një proces jashtëzakonisht jotransparent, kundër çdo ligji dhe në kundërshtim me Kushtetutën, duke theksuar se “pas kësaj qëndron korrupsioni i madh” dhe se “janë të bashkuar në Ulqin për të mbrojtur bregdetin e tyre”.
-Partitë që janë pro këtij projekti kanë dy rrugë: ose të zhdukin Ulqinin dhe shqiptarët, ose të jenë në anën e qytetarëve. Ne në Parlament do të bëjmë një fushatë të madhe. Mendoj se në fund do të arrijmë ta mbrojmë Ulqinin tonë. Ne nuk do të lejojmë askënd të na marrë qytetin, tha ai.
Abazoviq (40) është me kombësi shqiptare, ka lindur në Ulqin, ka qenë kryeministër i Malit të Zi nga prilli i vitit 2022 deri në tetor 2023, aktualisht është anëtar i legjislativit malazez.