OKB paralajmëron se përmbytjet kërcënojnë 40 për qind të Gazës

OKB-ja ka paralajmëruar se përmbytjet e mëdha në qindra lokacione të të zhvendosurve në Rripin e Gazës po e vendosin pothuajse gjysmën e popullsisë së territorit në rrezik të shtuar, teksa shirat e rrëmbyeshëm përkeqësojnë kushtet tashmë të tmerrshme, transmeton Anadolu.

 

“Shirat e rrëmbyeshëm kanë përmbytur tenda, kanë lagur sendet e njerëzve dhe kanë rritur rreziqet shëndetësore, duke përfshirë hipoterminë tek foshnjat dhe sëmundjet e lidhura me tejmbushjen e ujërave të zeza”, tha në një konferencë për media Farhan Haq, zëdhënësi i OKB-së, duke cituar Zyrën për Koordinimin e Çështjeve Humanitare (OCHA).

 

“Sot, ekipet tona në terren ngritën një sistem për një reagim të shpejtë të përbashkët ndaj alarmeve për përmbytje”, tha ai, duke shtuar se agjencitë e OKB-së, së bashku me organizatat joqeveritare, ishin të përfshira në shpërndarjen e tendave, mbulesave plastike, rrobave të ngrohta dhe batanijeve në të gjithë Gazën.

 

Ai gjithashtu tha se një sistem i reagimit të shpejtë të përbashkët në enklavë ka “përpunuar mbi 160 alarme përmbytjesh” që nga e enjtja në mëngjes.

 

Haq theksoi se partnerët e OKB-së në terren kanë ndihmuar familjet të përgatiten për përmbytjet duke shpërndarë thasë mielli bosh që do të përdoren si thasë me rërë, së bashku me mjete dhe rërë sa herë që ishte e mundur.

 

“Bazuar në analizën e tyre të rrezikut të përmbytjeve, më shumë se 760 vende të zhvendosjes, që strehojnë afër 850 mijë njerëz, janë në rrezikun më të lartë të përmbytjeve”, tha Haq.

 

“Kjo është rreth 40 për qind e popullsisë së Gazës”, shtoi ai.

Më të lexuara

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Gjimnazisti nga Saraji promovoi librin e parë

Sot në shkollën e mesme në Saraj, një nxënës...

Ndahet nga jeta i riu nga Saraji, Huseijn Alija

Me pikëllim të thellë është pritur lajmi për ndarjen...

Pagoi mbi 338 mijë denarë për shtëpinë e re – mjeshtri nga Matka e Epërme u zhduk me paratë

Një 46-vjeçar nga rajoni i Shkupit ka denoncuar në...

Moti sot

Moti sot në Maqedoninë e Veriut do të jetë...

DPHM: Maqedonia nesër do të përfshihet nga një erë e fortë deri 80 km/h

Drejtoria për Punë Hidrometeorologjike njofton se të premten, më...

Abdullah Ismaili zgjidhet kryetar i PDSH-së në Saraj

Abdullah Ismaili është zgjedhur kryetar i degës së Partisë...

Artikuj të ngjashëm