More

    Sali: Ndërtimi i Poliklinikës së Sarajit nuk ka përfunduar

    Ndërtimi i Poliklinikës së Sarajit nuk ka përfunduar dhe deri në
    vendosjen e saj në funksion ka ende punë, konfirmon ministri i
    Shëndetësisë, Bekim Sali. Konfirmimi i Salit vjen një ditë pasi
    zv/kryeministri i parë Artan Grubi u lavdërua në Facebook se ndërtimi
    kishte përfunduar kurse ky njoftim i Grubit u përgënjeshtrua nga
    bashkëpartiaku i tij, kryetari i Komunës së Sarajit Blerim Bexheti.

    Sali shtoi se askujt nuk i takojnë meritat ekskluzive për këtë
    poliklinikë, pasi që siç tha, ky projekt po realizohet në bashkëpunim
    mes disa institucioneve, përkatësisht Ministrisë së Shëndetësisë,
    Komunës së Sarajit dhe Shtëpisë së Shëndetit në Shkup.

    “Deri më tani poliklinika e Sarajit nuk mund të konsiderohet se është
    kryer me ndërtimin, kemi disa vërejtje të vogla te pjesa teknike
    makinerike, edhe aty te instalimi do të duhet të intervenojmë, për
    pjesën e pajisjes. Dua të cek, opinioni duhet të jetë i informuar se ne
    pajisjet kryesisht deri më 80 për qind ministria e Shëndetësisë i ka
    siguruar që nga muaji shtator por për shkak të peripecive lidhur me
    pjesën ndërtimore ne nuk i kemi instaluar dhe ata presin në depo për t’u
    instaluar, tha Bekim Sali, ministër i Shëndetësisë.

    Sali shpreson që kjo poliklinikë të lëshohet në funksionim në fund të
    muajit janar.

    “Deri tani janë kryer kryesisht punimet ndërtimore, mirëpo në projektin
    bazë nuk është paraparë ndërtim i rrethojës dhe rrugës e cila ka qasje
    nga pjesa e jashtme e parkut deri në brendinë e poliklinikës të Sarajit,
    për këtë arsye është paraparë që të realizojmë edhe një aneks
    marrëveshje me realizuesin e punimeve në poliklinikë dhe kjo mbetet që
    brenda javës së ardhshme të bëhet, u shpreh Bekim Sali, ministër i
    Shëndetësisë./Derveni.mk

    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    BDI: A është “marrëveshja e re shoqërore” antipod i Marrëveshjes së Ohrit dhe fillimi i riformatimit të modelit kushtetues të shtetit?

    Si është e mundur që një takim liderësh për të ashtuquajturën “marrëveshje të re shoqërore” të mbahet mes partisë...

    Minibusi që transporton nxënës ngec në baltë, banorët e Hasanbegut detyrohen ta tërheqin me traktor

    Banorët e Hasanbegut ankohen për gjendjen e rrugëve në këtë vendbanim të Shkupit. Në redaksinë e TV21 kanë dërguar...

    Ka ndërruar jetë Aleksandar Karadakovski, drejtori i diskotekës “Pulse” në Koçan

    Tragjedia e Kumanovës mori edhe viktimën e saj të 60-të.   Ka ndërruar jetë Aleksandar Karadakovski, i cili ishte drejtor i...

    Ky është parashikimi i motit për sot

    Moti sot me vranësira të ndryshueshme dhe reshje shiu, më të dendura në pjesët lindore (mbi 15 l/m2). Do...