RMV-ja për momentin nuk është duke menduar për ndalimin e aplikacioneve sikurse TikTok, për shkak të sfidave të rrezikshme dhe ndikimit negativ ndaj të rinjve.
Ministri për Transformim Digjital, Stefan Andonovski, gjatë një press-konference ka njoftuar se është përpunuar udhëzuesi nga MASH që është shpërndarë me shërbimin Pedagogjik.
Ky udhëzues do t`u drejtohet mësimdhënësve të shkollave fillore dhe të mesme, që të bisedhet me fëmijtë lidhur me sfidat që po ndodhin nëpër rrjetet sociale.
“Do të publikohet udhëzuesi, bashkë me kodin që çon drejt ueb-faqeve të dobishme, që mund të shfrytëzohet nga prindërit që t`ua kufizojnë qasjen e fëmijëve” – tha Ministri.
Hapi I dytë është Qendra për internet më të sigurtë që në mënyrë plotësuese do të jep resurse dhe ndihma për fëmijtë. Qendra duhet të formohet deri në fund të vitit.