Shkup, 6 prill- Qeveria tashmë i ka ndarë 3 milion euro, nga gjithsej 6 milion euro vlerë, qytetit të Shkupit për ndërtimin e bulevardit “Hasan Prishtina”, ose siç njihet gjërësisht “Rruga për Kosovë” (në Vizbeg), deri tek qarkorja e Shkupit, ka shkruar sot në profilin e tij në Fejsbuk zëvendëskryeministri i parë dhe ministër për Sistem Politik dhe Marrëdhënie Ndërmjet Bashkësive Artan Grubi.
Ai informoi se në bashkëbisedim dhe bashkëpunim me kryetaren e Shkupit, Danella Arsovska, e cila është kompetente për realizimin e projektit, i kanë filluar përgatitjet e fundit administrative në Qeveri dhe në Ministrinë e Transportit, për, siç potencoi, të fillojë dhe të përfundojë kjo arterie e rëndësishme e trafikut për qytetin.