More

    Regjistrimi në shkollat e mesme në Maqedoni do të bëhet online

    Ministria e Arsimit ka hapur platformën e re për regjistrim online në shkolla të mesme pavarësisht se regjistrimi zyrtarisht është i paraparë për 14 dhe 15 qershor.

    Gjysmë-maturantët që kanë marrë dëftesën e klasës së nëntë tashmë mund të aplikojnë përmes faqes së internetit e-uslugi.mon.gov.mk duke përdorur llogaritë e tyre të krijuara në Schools.mk.

    Mësimdhënësi Burim Rexhepi tha për Alsat se informimi për këtë risi ishte pak i vonuar duke kujtuar se shumë prej nxënësve kanë harruar llogaritë dhe fjalëkalimet e tyre.

    “Trajnim adekuat posaçërisht për nxënësit që t’i verifikojnë të dhënat në shërbimet elektronike të Ministrisë së Arsimit dhe Shkencës. Meqë shumica din t’i përdorin pajisjet elektronike, me këtë aplikim që e bëjnë ato shumë thjesht do ta kuptojnë se nuk ka komplikime brenda. Duhet vetëm ti marrin copy-paste të dhënat e veta duke filluar prej te emri deri tek pjesa e diplomave nga garat dhe shtypin aplikimin që të konfirmohet”, tha Burim Rexhepi, mësimdhënës.

    Sipas Rexhepit, e veçanta e aplikimit online është përditësimi i të dhënave deri më 15 qershor në ora 15 kur edhe mbyllet paraqitja e parë e afatit të parë për regjistrim.

    “Kanë mundësi deri më 15 qershor, përpara se ministria e Arsimit të përmbyll nxjerrjen e listës atëherë ato mund edhe ti përditësojnë të dhënat. Do të thotë se mund ti ndryshojnë, njerëz jemi edhe mund të gabojmë, edhe ti përditësojnë të dhënat duke i ndryshuar, duke mbajtur mend llogarinë dhe fjalëkalimin”, deklaroi Burim Rexhepi, mësimdhënës.

    Gjysmë-maturantët të cilët nuk kanë mundësi aplikimin ta kryejnë nga shtëpia të njëjtën mund ta bëjnë në hapësirat e shkollës ku dëshirojnë të konkurrojnë, ndërsa tashmë janë caktuar edhe administratorët që do të ndihmojnë nxënësit.

    Konkursi për shkollat e mesme, për vitin e ri shkollor 2022-23 ka paraparë 30 mijë vende të lira për gjysmë-maturantët në gjimnaz dhe drejtimet profesionale.

    TË NGJAJSHMEARTIKUJ
    Rekomanduar për ju

    Të fundit

    Drejtori ShA MEPSO Orhan Murtezani mer pjesë në Asamblenë e Përgjithshme të ENTSO-E

    Drejtori Gjeneral i ShA MEPSO z. Orhan Murtezani merr pjesë në Asamblenë e Përgjithshme të ENTSO-E, si anëtar zyrtar. Në...

    Shtrenjtimi i rrymës, Bislimovski: Çmimi i ri nuk dëmton amvisëritë e vogla

    Kryetari i Komisionit Rregullator për Energjetikë Marko Bislimoski edhe sot foli për çmimet e reja të energjisë elektrike. Ai...

    Bekteshi: Kufizime nuk do ketë, na pret një dimër i vështirë

    Kufizime të energjisë elektrike nuk do të ketë, por do të jetë një dimër i vështirë jo vetëm për...

    Seancë për interpelancën ndaj kryetarit të Kuvendit, Talat Xhaferi

    Në Kuvendin e Republikës së Maqedonisë së Veriut sot duhet të mbahet seanca plenare e 77-të me pikën e...
    WordPress Ads