More

    Pritet ulje e çmimeve të produkteve bazë pas heqjes së TVSH-së

    Shkup, 18 mars – Një pjesë e produkteve ushqimore bazë prej dje shiten me zero për qind TVSH, ndërsa nga java e kaluar janë zvogëluar edhe marzhat. Pa TVSH shiten buka, mielli tip-400, qumështi me yndyrë prej 2,8, 3,2 dhe 3,5 për qind, sheqeri i bardhë, vaji i lulediellit, mishi dhe produktet tjera si orizi i bardhë dhe vezët.
    Ministri i Ekonomisë apelon te qytetarët të kërkojnë llogari fiskale në marketet ku do të shohin nëse këto produkte janë me zero për qind TVSH.

    “Apelojmë te qytetarët ta kërkojnë llogarinë e tyre fiskale në markete”, porositi Bekteshi në “Fejsbuk”.

    Heqja e TVSH-së për produktet ushqimore bazë është rezultat i ndryshimeve në ligjin për TVSH, të propozuara nga Ministria e Financave si pjesë e 26-të masave antikrizë për ballafaqim me situatën rrjedhëse të shkaktuar nga kriza ruso-ukrainase.

    “Po e theksoj përsëri, askush nuk thotë se do të jetë e lehtë, por ne qëndrojmë prapa faktit që do të ketë një angazhim të denjë, nga qeveria, që qytetarët të ndjejnë më pak presionet nga konflikti ruso-ukrainas. Në fakt këtë e dëshmuam me masat kundër krizës gjatë pandemisë, të cilat amortizuan ndjeshëm efektet në ekonomi dhe për të cilat morëm vlerësimet më të mira nga institucionet financiare ndërkombëtare”, shënoi ministri i Financave Fatmir Besimi në “Fejsbuk”.
    Me këto masa, të cilat janë pjesë e pakos antikrizë, Qeveria pret presion të zvogëluar mbi çmimet e shitjes me pakicë të produkteve ushqimore bazë me të cilën do të veprohet mbi ruajtjen e standardit jetësor të qytetarëve në kushte të krizës.

    “Krahas kësaj mase, pakoja prej 26 masash për mbrojtjen e standardit të jetesës dhe likuiditetit të kompanive përfshin masën për vazhdimin e aplikimit të normës preferenciale prej 5 për qind të TVSH-së për energjinë elektrike për familjet deri në fund të vitit 2022, si dhe masat për uljen e akcizave dhe TVSH-së për derivatet me të cilat Republika e Maqedonisë së Veriut aktualisht ka çmimet më të ulëta të derivateve në rajon, njoftoi dje shërbimi për shtyp i qeverisë.

    Pas konfliktit ruso-ukrainas dhe rritjes së çmimit të energjisë në bursat botërore, Komisioni Rregullator i Energjisë në baza ditore vendos për çmimin e derivateve në përputhje me Rregulloren e ndryshuar për përcaktimin e çmimeve me pakicë të derivateve të naftës. Sipas Rregullores, çdo ditë mund të merren vendime për ndryshimin e çmimit të derivateve nëse llogaritja për çmimin e ndonjë derivati ​​të naftës rritet ose ulet për dy denarë.

    Komisioni Rregullator për Energjetikë dje sërish ka bërë korrigjim në rënie të çmimit të derivateve, ku benzina u lirua për dy denarë dhe dizeli për tre denarë për litër. Çmimi i ri i shitjes me pakicë i EUROSUPER BS-95 është 79,5 denarë për litër, EUROSUPER BS-98 do të shitet për 81,5 denarë, EURODIZEL (D-E V) për 76, dhe vaji ekstra i lehtë për amvisëri (EL-1) për 72,5 denarë për litër./Zhurnal

    TË NGJAJSHMEARTIKUJ
    Rekomanduar për ju

    Të fundit

    Edhe një deputet i bashkohet “Grupit të Zjarrit”?! (Foto)

    “Grupi i Zjarrit” vazhdon aktivitetet në teren. Këtij grupi si duket i është bashkangjitur edhe deputeti Kastriot Rexhepi, i...

    Sot u mbajt Maratona e Shkupit

    Mëngjesin e kësaj të diele është zhvilluar Maratona e Shkupit. Më i shpejti doli të jetë atleti nga Kenia,...

    Arrestohen dy vajza nga Shkupi, kanë plaçkitur një person në Shkup

    Dy vajza nga Shkupi janë arrestuar gjatë ditës së djeshme pasi të njëjtat paraprakisht janë raportuar se kanë kryer...

    Pritet rritja e çmimit të bukës?!

    Mullixhinjtë kërkojnë subvencione për energjinë elektrike ose shtimin e tregut të rregulluar sepse vetëm në këtë mënyrë, theksojnë ata,...
    WordPress Ads