More

    Erdogan: Turqia do t’i vërë shenjën shekullit të 21-të

    Presidenti Rexhep Tajip Erdoan (Recep Tayyip Erdoğan) tha të mërkurën se Turqia dhe kombi turk do t’i vendosin shenjën shekullit të 21-të me arritjet e tyre.

    Këtë Presidenti Erdoan e tha në fjalën drejtuar pjesëmarrësve në ceremoninë e ndarjes së Medaljes Shtetërore të Lavdërimit, organizuar të mërkurën në Pallatin Çankaya në kryeqytetin Ankara.

    Sot në të gjithë vendin tonë janë ndarë 376 Medalje Shtetërore Lavdërimi për familjarët e dëshmorëve dhe veteranëve, tha udhëheqësi turk.

    “Si President i Turqisë dhe Komandant i Përgjithshëm (i Forcave të Armatosura), dëshiroj të shpreh mirënjohjen time për të gjithë dëshmorët dhe veteranët tanë në praninë e vëllezërve e motrave të mia që gjenden këtu”, tha ai.

    Duke theksuar se Turqia ka pothuajse 40 vjet që lufton kundër terrorizmit, i cili cenon ekzistencën e atdheut dhe paqen e njerëzve, Erdoani tha se mijëra njerëz kanë dhënë jetën e tyre nga të gjitha grupet e shoqërisë, duke filluar që nga pjesëtarët e forcave të rendit e deri te qytetarët civilë.

    “Ne kemi filluar të shohim rezultatet e të gjitha vuajtjeve që kemi kaluar në luftën tonë kundër terrorizmit. Vendi ynë po arrin suksese të rëndësishme në këtë luftë kundër të gjitha formave të terrorizmit”, u shpreh Erdoan.

    “Ne po i shkatërrojmë një e nga një strofkat e terroristëve, pavarësisht se ku janë ata. Për gjakun e derdhur të dëshmorëve tanë gjithmonë kemi marrë hak dhe këtë do ta bëjmë gjithmonë. Me dronët tanë të armatosur (SIHA) ne nuk i lëmë të marrin frymë baronët e terrorit në Irak dhe Siri. Shpresoj se Turqia dhe kombi turk do t’i vendosin shenjën shekullit të 21-të”, siguroi presidenti Erdoan. /TRT/

    TË NGJAJSHMEARTIKUJ
    Rekomanduar për ju

    Të fundit

    Shuton Ali Ahmeti: BDI mund të vazhdojë pa Blerim Bexhetin

    BDI ka ngritur struktura të qëndrueshme që mund të fuksionojë pa Ali Ahmetin, Blerim Bexhetin, Musa Xhaferin kështu është...

    Aksident i rëndë në Çair

    Sot ka ndodhur një aksident në Bulevardin Bosnjë-Hercegovina, sipas fotografisë shihet se në aksident janë përfshirë një furgoni vogël...

    Përplasjet VMRO-Arskovska, pësojnë qytetarët

    Përplasjet VMRO-Arsovska, shkarkimet dhe dorëheqjet e drejtorëve të ndërmarrjeve publike të Qytetit të Shkupit kanë lënë një kaos prapa...

    Rrugët dytësore në Tetovë, në gjendje të keqe

    Viteve të fundit sikur është bërë rregull i pashkruar që të asfaltohen dhe të kujdesen vetëm për rrugët në...
    WordPress Ads